Nuk ka evente deri në 14 qershor e hipoteza e rinisjes së Serie A në 13 është braktisur tashmë. Shtyrjet e vazhdueshme e vështirësitë për të gjetur një akord të përbashkët mbi protokollin sanitar, po lënë të ndaluar kampionatin tonë. Tani, data më e mundshme e rinisjes është 20 qershori. E duke patur në konsideratë që Uefa ka kërkuar të mbyllë turnetë kombëtarë brenda 3 gushtit, vështirë se do të arrihen të zhvillohen deri në atë datë të gjithë 12 javët e mbetura (e disa rikuperime), pa llogaritur gjysëmfinalet e kthimit e finalen e Kupës së Italisë.
Për këtë është shfaqur një hipotezë që shumë i druheshin, sepse përvec modifikimit në mënyrë thelbësore të rregullaritetit të një sezoni të nisur me një formulë e të destinuar të mbyllet me një rregullore sportive krejt ndryshe, i jep shanse të papritura dikujt që normalisht mund të mos e kishte. Figc po mendon të modifikojë formatin, duke limituar në 10 numrin e skuadrave të përfshira e jo 12 si mendohej fillimisht. Katër (Juve, Lazio, Inter e Atalanta) do të luanin për titullin, duke lënë jashtë Roma e Napoli, ndërsa gjashtë të fundit (Torino, Sampdoria, Genoa, Lecce, Spal e Brescia) do të luftonin për të mos rënë.
Një projekt jo i thjeshtë për tu adaptuar e që mund të gjejë kundërshtinë e shoqërive të ndryshme, duke e vonuar edhe më shumë konkluzionin e këtij sezoni të turbulluar e duke shtuar mundësinë për ta mbyllur para kohe, pa luajtur.
