Le Monde e quan shembjen e teatrit “akt barbar”, vë Anri Salën kundër Adrian Pacit
Po t'i hedhësh një sy pasqyrës së shtypit të mediave më prestigjoze në botë, shumicën e të cilave Lapsi.al i ka botuar (shiko poshtë), epitetet për kryeministrin shqiptar janë të frikshme. Askund nuk gjen më jehonën e njeriut të kavaletit, ngjyrave dhe penelave. Ato janë zëvendësuar me togfjalshat "grusht shteti”, “truall për ndërtim”, “autokrat si Vuçiçi”, “aferë korruptive”. “Puç në kohë pandemie” e quan shembjen e teatrit, austriakia Der Standart. "Artisti që ka zhgënjyer shpresat e të rinjve që sot po braktisin vendin", vazhdon francezja, Liberation. "Sloganet kundër rikthimit të diktaturës nuk përdoren rastësisht", vë re “Il Fatto Quotidiano”. Ndërsa “Frankfurter Allgemeine Zeitung” i ka tërhequr vëmendjen shurdhëria ndaj thirrjes së BE për dialog. Analiza/ Gjithë shtypi botëror kundër shembjes së Teatrit Kombëtar Pra, si kurrë më parë, ka një konsensus për ta vizatuar ndërkombëtarisht Edi Ramën ashtu sikurse e njohin edhe shumica e shqiptarëve. Me shembjen e teatrit duket se maska e tij e fundit është grisur. Propaganda, të cilës i frynin gratë që ai ka katapultuar në politikë, duke e quajtur si “brand-i i Shqipërisë në botë”, apo “artisi me famë ndërkombëtare” tashmë është rrëzuar. Bashkë me të ka rënë edhe teknologjia 20 vjeçare e mashtrimit të të huajve (me fabulën e artistit revolucionar) për ta përdoruar atë më pas si mjet për të sunduar shqiptarët. Natyrisht, çmimi për të nxjerrë në pah këtë të vërtetë, ishte i madh. Tirana nuk do të ketë më një nga stolitë e saj, qytetarët ndihen më të pafuqishëm dhe më të ligështuar, dhuna shtetërore ka marë përmasa të papara… Por gjithësesi, mes kësaj errësire, duhet parë pak dritë në fund të tunelit. Miti i politikanit artist, i sponsorizuar ndërkombëtarisht me këmbëngulje për 20 vjet, është rrëzuar bashkë me projektin e Giulio Bertesë. Çfarëdo që të ndodhë, ai nuk është më i rikuperueshëm. ©Lapsi.al
