Didier Deschamps aprovon zgjedhjen e Ligue 1 për tu ndalur e nuk vlerëson aspak kampionatet me dyer të mbyllura me rregulla të ndryshuara në fushë e në tribuna. "Kam ndjekur Bundesligën - tha Deschamps - e disa pamje më duken shumë inkoherente: shoh lojtarë që zhvillojnë një ndeshje me përplasje e kontraste e pastaj shoh në tribunë lojtarët rezervë me maska 2 metra distancë nga njëri-tjetri. Sinqerisht nuk e kuptoj. Në tribunë rreziku është më i madh? Cfarë inkoherence! Nuk më pëlqen".
Ndalimi i kampionateve në Francë, sipas Deschamps, është gjëja më e mirë për tu bërë: "Eshtë një vendim i qeverisë që më duket shumë e kohës dhe e matur. E duhet ta pranojmë". Për sa i përket ligave të tjera europiane: "Besoj që rifillimi - thotë ish mesfushori francez - i përgjigjet në radhë të parë një problematike ekonomike. Shikoni vendimet që ka marrë Spanja e Anglia: këto dy vende të mëdha të futbollit po planifikojnë rifillimin e Liga e Premier League, por kanë vendosur të mos rifillojnë kampionatet femerore, që gjenerojnë shumë më pak të ardhura. Luhet gjithcka aty!"
