Nuk arriti dot të ndihmojë skuadrën e tij të marrë rezultat pozitiv kundër Bayern Mynih, por goli i shënuar në minutën e 89 në BayArena e ka futur Florian Wirtz drejt e në historinë e Bundesligës. Mesfushori i Bayer Leverkusen është bërë lojtari më i ri që ka arritur të shënojë një gol në Bundesligë.
I aktivizuar në pjesën e dytë të ndeshjes kundër Bayern Mynih, Wirtz ka realizuar gol në moshën 17 vjec e 34 ditë, duke fiksuar rezultatin përfundimtar të ndeshjes 4-2 në favor të bavarezëve. Wirtz është vetëm 48 ditë më i ri se lojtari që mbante rekordin në Bundesligë: Nuri Sahin shënoi gol për Borussia Dortmund, në ndeshjen kundër Nurnberg në 2005.
