Kryesia e PD konfirmon 5 anëtarët që do përzgjedhin kandidatët për deputetë (EMRAT)
Ata do të bëjnë seleksionimin e mbi 2 mijë kandidatëve të propozuar nga baza për deputetë deri më 30 korrik kur përfundoi edhe faza e parë e këtij procesi. Lista që do të dalë prej Komisionit të Vlerësimit do të kalojë edhe në një sitë tjetër në atë të kontrollit të figurës dhe integritetit. Emrat që do të dalin fitues nga gjithë ky kalvar, në fillim të vjeshtës do të kalojnë sërish në bazë ku ata do të votohen sipas parimit një anëtar një votë i cili cakton përfundimisht edhe ata që do të garojnë si deputetë në zgjedhjet e ardhshme. Por ndonëse organigrama e këtij procesi me disa faza është tejet demokratike, ndonëse anëtarët e Komisionit të verifikimit janë figura me integritet dhe që japin siguri për një proces larg ndikimit të njëshit, ashtu sikurse ndodhi në 2017, kur Basha i vendosi i vetëm në mesnatë listat e deputetëve sërish kjo lloj përzgjedhjeje duket se nuk i ka dhuruar PD figura të reja dhe as premton që të shtojë personalitete me theks të fortë opozitar por që nuk janë konformuar me atë që Aurel Plasari e ka quajtur si opozita zyrtare. Deri më tani në media është raportuar përshëmbull lista e të propozuarve në një nga bastionet e demikratëve, në Shkodër. Por emrat që kanë dalë në 11-shen kryesore janë po të njëjtët mbi të cilin do të kishte vënë gishtin edhe Basha dhe mes të përzgjedhurve të tij të katër viteve më parë. Psh. emri i një prej figurave historike të PD-së dhe kundërshtare e fortë e Edi Ramës, Jozefina Topalli, ka humbur në morinë e mbi 150 të propoziarve. Frika është se sado në mënyrë demokratike të zhvillohet gara, sado e drejtë të jetë puna e anëtarëve të Komisionit të Vlerësimit të kandidatëve, apo i pakontrolluar votimi një anëtar një votë, sërish, i gjithë ky kalvar disa mujor do të mbyllet pa surpriza. ©Lapsi.al
