Mijëra mbështetës të presidentit aktual Donald Trump do të mblidhen sot për të protestuar në Uashington DC për të treguar suportin e tyre ndja pretendimeve të republikanit për mashtrim në zgjedhjet presidenciale të mbajtura në SHBA. Grupet e ekstremit të djathtë kanë thënë se ata do të marrin pjesë në tubim. Mbështetësit e Trump pritet të fillojnë tubimin rreth mesditës me kohën lokale pranë sheshit “Freedom”. Organizatorët dhe figurat e medias së bashku me zyrtarët e Shtëpisë së Bardhë, kanë parashikuar një pjesëmarrje të madhe. Ndërkohë mendohet që edhe Trump do të parakalojë dhe të falënderojë qytetarët.
Në zgjedhjet presidenciale të 3 Nëntorit Joe Biden arriti të sigurojë 306 vota elektorale, por megjithatë republikani Trump nuk ka pranuar të dorëzohet dhe ka depozituar disa ankesa në lidhje me procesin e numërimeve dhe manipulimit të zgjedhjeve.
