Andi Bushati:Një sprovë për të shpëtuar tradhëtarin Basha
Peza tha sot në një intervistë për News 24 se BBC i bëri të qartë Milaim Bellanicës se nuk do t'ia blejnë kasetën. Nëse ai dëshiron mund t'ia japë kasetën që pamjet ti transmetohen botës. Dhe, sipas Pezës, ai këtë bëri. "Me kujtesën që kam unë mendoj që kjo kasetë i është bërë e qartë Melaimit që ai po ja dhuron BBC dhe përshtypja ime është që ka pasur një marrëveshje mes dy palëve. Ai ka pranuar që ta japë, BBC ka bërë të qartë që ata nuk blejnë lajme. Nëse zotëria dëshironte të ndihmonte që lajmi t’i bëhej i njohur botës, duhet të jepte kasetën te BBC. Kam përshtypjen që BBC ja ka ofruar zyrës së OKB, por përtej kësaj nuk di asgjë, sepse këto janë cështje që nuk kishin nevojë për përkthim nga ana ime." - tha Peza në intervistë. [video width="800" height="450" mp4="https://cdnimpuls.com/lapsi.al/wp-content/uploads/2020/11/VIDEO-KOSOVA-1.mp4"][/video] (Në video Belanica në mes, gazetari me të kuqe dhe majtas Peza). Vetë Bellanica deklaroi pak ditë më parë në Top Channel se këto filmime ia pati dhënë Lulzim Bashës i cili atëherë punonte në UMNIK për zbardhjen e krimeve serbe, dhe ky i fundit e ka zhdukur kasetën. Por, në pohimet e tij, Belanica nuk e fsheh që e ka çuar kasetën në BBC, madje ai thotë se Lulzim Basha erdhi ti’a kërkonte këtë dokument të rrallë, vetëm pasi pamjet u shfaqën në BBC. Ndërkohë Basha e ka hedhur poshtë këtë pretendim. Basha thotë se nuk e ka marrë kurrë këtë kasetë. Lapsi.al, që e zbuloi Pezën në disa pamje të një televizioni norvegjez, se ai ishte prezent në dorëzimin e kasetës që u bë objekt sherri politik në Tiranë, shkroi dje se ai qe njeriu që mund ta zbardhte disi këtë dilemë (lexo shkrimin poshte). Filmimet ekskluzive/ Ish deputeti socialist Dashamir Peza dëshmitari që ruan misterin e kasetës për masakrën e Krushës Vetëm ai mund të tregonte nëse gënjente Bellanica apo Basha. Ndërsa sot duke folur për Neës 24 Dash Peza ka bërë të qartë se kameramani kosovar e ka dhuruar kasetën për BBC dhe se kanë qenë gazetarët anglezë që mund ti'a kenë dorzuar atë më pas OKB-së. ©LAPSI.AL
