Pas Britanisë së Madhe dhe Emirateve të Bashkuara Arabe, SHBA-ja bëhet vendi i tretë në botë që ka nisur vaksinimin masiv të popullsisë.
E para që ka marrë vaksinën kundër koronavirusit ka qenë një infermiere e quajtur Sandra Lindsay, e cila punon në kujdesin intensiv në Long Island Jewish Medical Center, New York. Infermierja mori dozën e parë të vaksinës së Pfizer dhe BioNtech në 9:00 me orën lokale.
“U bë vaksina e parë kundër Covid-19. Urime SHBA-së! Urime botës!- ka shkruar në Twitter presidenti Donald Trump.
Vaksina e Pfizer dhe BioNtech mbërriti ditën e djeshme në SHBA dhe ka filluar shpërndarjen sot. Gjiganti farmaceutik tha se në dërgesat e para do të shpërndahen në tre milion doza në 64 shtete të SHBA-së dhe qytetet kryesore, si dhe pesë agjenci federale.
