Drejtori i Institutit Kombëtar për Alergji dhe Sëmundje Infektive në SHBA, Dr. Anthony Fauci, ka deklaruar sot se punon nga 18 orë në ditë – shtatë ditë në javë.
Gjatë një interviste dhënë për CNN, Fauci tha se nuk e ka pasur as edhe një ditë pushim që nga mesi i janarit të këtij viti.
Fauci sot feston 80-vjetorin e lindjes, por thotë se do të thyej traditën duke mos e kaluar mbrëmjen me tri vajzat e tij, shkruan tg.
“Pa dyshim që po ndihem keq. Janë Krishtlindjet e para dhe ditëlindja ime e parë që nuk e kam kaluar me bijat që kur ato kanë lindur”, ka shtuar mjeku amerikan.
“Shpresojmë që vitin e ardhshëm në këtë kohë do të kemi festë me shumë përqafime, që aktualisht nuk guxojmë të bëjmë”, ka thënë për fund Fauci.
