Mbrëmjen e sotme kanë hyrë në fuqi kufizimet e reja të lëvizjes që nisën nga ora 20:30 minuta deri në orën 06:00 të mëngjesit.
Në rrugët e Tiranës është parë trafik i konsiderueshëm edhe pas orës së hyrjes në fuq0i të shtetrrethimit.
Vendimi i Komitetit Teknik i Ekspertëve, do të jetë në fuqi deri më 4 janar. Të gjithë ata persona apo biznese që thyejnë këtë masë kufizuese, do të gjobiten sipas aktit normativ.
Vendimi i Komitetit të Ekspertëve do të shtojë edhe angazhimin e Policisë së Shtetit e cila ka hyrë në shërbim të përforcuar.
Përjashtohen nga ky kufizim vetëm personeli shëndetësor, ai policor, ushtarak, gazetarët dhe ata që janë në punë turni i tretë në linjat e prodhimit të konsumit të përditshëm.
