Më shumë se një milionë amerikanë janë vaksinuar kundër Covid-19 me anë të vaksinës së prodhuar nga kompania Phizer dhe gjigandi gjerman BionTech. “Që pas fillimit të përdorimit përpara 10 ditësh, Amerika ka ecur me hapa galopantë për sa i takon vaksinimit”, ka thënë Robert Redfield, drejtuesi i Qendrës për Parandalimin dhe Kontrollin e Sëmundjeve në SHBA. Po ashtu ai përmendi se objektivi i këtij muaji që ishtë imunizimi i mbi 20 milionë banorëve ishte i pamundur për t’u arritur.
Megjithatë ai pranoi se është vendosur një tjetër stekë për sa i takon vaksinimit të popullsisë amerikane. 100 milionë amerikanë priten të imunizohen në gjysmën e parë të vitit 2021 dhe 100 milionë të tjerë në gjysmën tjetër të vitit.
