Shtatë pacientë që vuanin nga COVID-19 ndërruan jetë sot, pasi një zjarr shpërtheu në një spital në periferi të Kajros. Autoritetet tashmë kanë nisur një hetim për të përcaktuar shkakun e tragjedisë.
Po ashtu edhe pesë persona të tjerë u plagosën, pas një zjarri që ra në një spital në qytetin Obour, pranë kryeqytetit Egjiptian.
Egjipti, një vend me 100 milion njerëz, deri më tani ka regjistruar 130,126 raste të COVID-19 dhe më shumë se 7,300 vdekje.
Pandemia e ka çuar sistemin shëndetësor në kolaps dhe sindikatat e punonjësve të kujdesit mjekësor paralajmërojnë se ajo mund të shembet plotësisht.
Në qershor, shtatë pacientë vdiqën në një zjarr në një spital të Aleksandrisë.
