Këtë të diel, gjykata e faktit në Tiranë ka dhënë masën arrest me burg për 34 vjeçarin Klajdi Shundin, i cili pas një konflikti të çastit natën e ndërrimit të viteve goditi me thikë për vdekje kunatin e tij.
Autori i krimit ka pranuar fajin por ka pohuar përpara togave të zeza se, ka qenë nën efektin e pijes kur ka goditur me thikë në qafë Vladimir Zvezhdan duke theksuar gjithashtu se ka patur gjithnjë marrëdhënie shumë të mira me viktimën.
Ngjarja e rëndë ndodhi duke hyrë një janari në zonën e “ 1 Majit”, Tiranë, në shtëpinë e Shundit.
Viktima kishte shkuar së bashku me të shoqen (e motra e Shundit) në banesën e tij për të festuar ndërrimin e vitit.
Pasi debatuan nën avujt e alkoolit të tepërt brenda apartamentit, të dy kanë dalë jashtë “për tu sqaruar” në hyrje të pallatit, por aty 42-vjeçari është qëlluar për vdekje me thikë në qafë.
