Edi Rama ka marrë një dhuratë bujare nga presidenti turk Rexhep Taip Erdogan, një spital i ri në Fier që do të ketë jo vetëm pajisjet por edhe stafin e nevojshëm turk që do të trajnojë stafin shqiptar. Bujaria turke merr një vlerë të shumëfishtë kur llogarit faktin se spitali do të jetë gati pak ditë para zgjedhjeve. Pikërisht për këtë Edi Rama ka dashur ta theksojë mirë se kur do të jetë gati spitali.
Kur ai ka ngritur 3 gishtat lart në konferencë, për t'i kujtuar Erdoganit se ka vetëm 3 muaj kohë për spitalin e ri, ky ia ka kuptuar hallin menjëherë dhe është përgjigjur: "Do të jetë gati para zgjedhjeve". Pas kësaj batute që nxjerr zbuluar kryeministrin e Shqipërisë, Erdogan ka nisur të qeshë.
Bashkë me të kanë nisën të qeshin në kor edhe qeveritarët turq, që gjithashtu e kanë kuptuar merakun e Ramës, jo për ca të shëruar më shumë, por për ca vota më shumë. Video më poshtë:
[video width="384" height="848" mp4="https://cdnimpuls.com/lapsi.al/wp-content/uploads/2021/01/Rama-te-qeshurat.mp4"][/video]
