Breshëria e reagimeve që Rama mori në rrjetet sociale pas publikimit të pamjeve të një darke të ministrave të tij në një nga restorantet luksoze të Dubait ka bërë që kreu i qeverisë të moe mbetet indiferent. Në disa reagime qytetarësh në rrjetet sociale, Rama u justifikua se “ata kanë shkuar të na sjellin investime në Shqipëri”.
Rama këmbënguli se grupi nga Shqipëria përfshin përfaqësues të qeverisë, pushtetit vendor dhe medieve me qëllim takimin e sipërmarrësve të mundshëm. Shpenzimet e udhëtimit, sipas Ramës, mbulohen nga ‘mikpritësit’.
Mbrëmjen e 9 janarit, restoranti i famshëm Nusret në Dubai postoi një video ku dukeshin teksa darkonin një grup personash. Në pamje duken nënkryetari i Bashkisë së Tiranës Arbjan Mazniku, Drejtori i Komunikimit në kryeministri Endri Fuga me bashkëshorten, ministri i Rindërtimit Arben Ahmetaj, ministrja e Infrastrukturës Belinda Balluku dhe sipërmarrësi Samir Mane.
[video width="640" height="1136" mp4="https://cdnimpuls.com/lapsi.al/wp-content/uploads/2021/01/darka-ne-dubai-nusret.mp4"][/video]
Mbeten mister zyrtarët e tjerë të lartë apo sipërmarrës shqiptarë apo të huaj në tavolinë. Videoja u mor menjëherë nga mediat shqiptare dhe qarkulloi në rrjetet sociale ndërsa restoranti e fshiu video nga profili i tij. ©LAPSI.al
