Ndërsa është justifikuar për premtimet e pambajtura të të bërit drejtësi për 21 Janarin, Edi Rama i ftoi familjarët e të vrarëve në kryeministri, ta shohin në disa këndvështrime humbjen e të dashurve të tyre. Për t'i bindur se transformimi i drejtësisë vazhdon, Rama përdori një krahasim për sistemin e drejtesisë që nuk e kishte bërë ndonjëherë, atë me pallatet që po ndërton në zonat e prekura nga tërmeti.
"Sic janë aty kantieret e ndërtesave të projektit të rindërtimit të pas tërmetit, ku më parë aty ishin këneta, por sot ka terrene të konsoliduara infrastrukturë të konsoliduar, themele të ngritura dhe kate që ngrihen njëri pas tjetrës, kështu është edhe sot drejtësia" tha Rama që tashmë prej vitesh përsërit premtime boshe për drejtësinë e të vrarëve në 21 Janar.
