21 Janari është një ditë që do të mbetet gjatë në kujtesën e protagonistëve. Kushdo që ka qenë në protestë, për dinamikën që mori ngjarja, e mban mend mirë ku ishte, si u zhvendos gjatë të shtënave etj. Dihet pozicioni i Lulzim Bashës në tarracën e kryeministrisë, Sali Berisha në zyrën e tij, Rama që bën me shenja, deputetët socialistë nëpër lokalet e kullave përballë kryeministrisë etj.
Sot për protestën e 21 janarit ka folur edhe Ertion Veliaj, që kujtoi protestën e 10 viteve më parë.
“Ata njerëz nuk u vranë pa dashje, nuk u vranë as me çadra, as me stilolapsa. Ata njerëz u vranë me plumba në mish, kur Saliu ishte në kryeministri dhe Luli ishte ministër në tarracën e Kryeministrisë”, deklaroi Veliaj sot në përvjetorin e 10 të vrasjeve.
Po Veliaj ku ishte në 21 Janar? Një video që qarkullon në internet zbulon shumë për rolin e tij asokohe. Ai duket se si hedh bojë të kuqe në kokën e njërit prej protestuesve që zuri faqet kryesore të gazetave ditë më pas.
Një manipulim i pastër i protestuesve për t’i bërë të mendonin se njëri prej tyre ishte mbuluar me gjak. Ndiqeni videon më poshtë:
https://www.youtube.com/watch?v=V_36TIvgs9g
