Një farmaci është grabitur me armë para pak çastesh në qendër të Tiranës.
Ngjarja ka ndodhur pranë shkollës "Sami Frashëri".
Një person i armatosur ka marrë lekët e xhiros ditore dhe është larguar.
Tiranë/Informacion paraprak
Më datë 26.01.2021, rreth orës 20:13, në rrugën "Bardhok Biba", një person ende i paidentifikuar dyshohet se nën kërcenimin e armës ka vjedhur në një farmaci.
Sherbimet e Policisë menjeherë kanë ngritur pika kontrolli dhe po bëhet krehja e zonës në afërsi të vendit të ngjarjes me sherbime të shtuara.
Grupi hetimor ndodhet në vendngjarje dhe po punon për fiksimin e çdo prove që do çojë në identifikimin dhe kapjen e autorit.
