Autoritet e Emirateve të Bashkuara Arabe kanë refuzuar ekstradimin e shumë të kërkuarit Plarent Dervishajt për në Shqipëri duke e liruar atë nga burgu ku mbahej në Dubai.
Dervishaj është liruar ditën e djeshme nga gjykata me argumentin se materialet nga Shqipëria kanë mbërritur me vonesë. Dervishaj u kap me 10 dhjetor në Emiratet e Bashkuara Arabe ndërkohë që ishte në arrati pas operacionit të bujshëm "Asgjë nuk harrohet" që rihapi dosjen e vrasjes së Vajdin Lamajt dhe Klodian Saliut.
Kërkesa për ekstradim nga ana e autoriteteve shqiptare është firmosur që në datë 21 dhjetor 2020 nga ministrja e Drejtësisë, Etlinda Gjonaj, por nuk dihet nëse ajo është vonuar nga kjo ministri apo nga ajone jashtme.
Plarent Dervishaj u arrestua në Dubai. Shpallja në kërkim e Dervishaj është bërë pas rrëfimit të Luftar Reçit, i cili ka treguar dinamikën e vrasjes së Klodian Saliut, vrasje në të cilën bashkëpunëtori i drejtësisë, ka treguar se ka marrë vetë pjesë, së bashku me Indrit Taullaun, Plaurent Dervishaj.
