Kryeministri Edi Rama, në shoqërinë e kryebashkiakut Erion Veliaj dhe ministrit të Rindërtimit Arben Ahmetaj, inspektuan këtë të hënë punimet në “Lagjen e Re” në Ndroq. Gjatë inspektimit Kryeministri u takua dhe me një banore, e cila siç tha kishte disa orë që e priste. Ajo shprehu falenderimin ndaj qeverisë për investimet e bëra, si dhe tregoi të gjithë pakënaqësitë që kishte. Por gjatë bisedës Rama e lëshoi gjuhën me gruan duke rrëshqitur në seksizëm teksa i tha gruas se demin do e sjellim për lopën, jo për ty.
Biseda e plotë
Edi Rama: Duhet të sjellin dhe një lopë tjetër, ose dem.
Banorja: Nuk e dua dem.
Edi Rama: Për lopën jo për ty. Jam kryeministri i vetëm në botë që kërkoj fjalën. Më lini të flas.
Banorja: Ma jep dorën. Le ta marr COVID-in prej teje.
Edi Rama: Puna është të heqësh zakonin se nuk e merr COVID-in prej meje, nuk ta jap dorën kurrë unë.
