Presidenti i Republikës Ilir Meta është përpjekur që gjatë kësaj kohe ta prezantojë veten larg fushatës elektorale edhe pse mesazhet e tij kanë qenë të hapura kundër mazhorancës së kryeministrit Edi Rama.
Gjatë një interviste të dhënë për RTV Korça, Meta u pyet edhe për LSI-në dhe për perceptimin se partia që ai krijoi po tkurret. Në këtë pikë, Meta i lejon vetes të flasë për herë të parë edhe për partinë që tashmë drejtohet nga Monika Kryemadhi.
“Kjo është një çështje që u takon për t’ju përgjigjur drejtuesve të Lëvizjes Socialiste për Integrim. Kemi 15 vjet që dëgjojmë tkurrje që nga 2014 kur është krijuar Lëvizja Socialiste për Integrim e deri tani dhe gjithmonë kemi parë që ka pasur një rritje të vazhdueshme të saj, por kjo nuk është çështja më e rëndësishme.
Për mua e rëndësishme është fushata të bazohet në alternativa dhe të mos bazohet në “Fake News”, duke keqpërdorur mediat, apo kontrollin mbi media të caktuara dhe duke u përpjekur thjesht për të shpifur apo për të denigruar për rivalët” – tha Meta. ©LAPSI.al
