Rritja e numrit të infektimeve pavarësisht nga testimet e pakta, shumëfishimi i shifrave zyrtarëe të të vdekurve nga pandemia si dhe ezaurimi me shpejtësi i spitaleve po e çojne vendin drejt forcimit të masave kufizuese. Një mbyllje më strikte së paku për një javë kërkoi edhe akademia e shkencave me gojen e kryetarit të saj Skënder Gjinushi.
Edhe kryeministri në konderencën për shtyp të së martës i njoftoi këto masa kufizuese por shtoi se për to do të vendoste këtë të mërkurë Komiteti i Ekspertëve.
Hipokrizia e Ramës ishte e dukshme sepse që të martën në mbrëmje u pa se askush nuk do të priste vendimin e specialistëve. Top Channel njoftoi nga burime të tijat se forca policie kishin mënyrë baret dhe klubet në mbrëmje për ti njioftuar se Komiteti Ekspertëve do të vendoste që që nga e mërkura nuk do të kishte shërbim në mjediset e mbyllura.
Në disa media u fol se Komiteti do të propozojë që shtetrrethimi të fillojë që në orën 20.00 deri në orën 06.00. Të njëjtat burime thanë se do të ketë kufizime edhe për baret dhe restorantet për shërbimin në ambientet e brendshme.
Ky shtim i masave kufizuese lidhet ekskluzivisht me shifrat.
E marta që sapo lamë pas shënoi edhe një tjetër ditë me infektime të larta nga pandemia. Nga 4562 testime, 1239 persona kanë rezultuar të infektuar me COVID dhe 16 pacientë (pa llogaritur këtu ata që vdesin në shtëpi , dhe ata që ndahen nga jeta pasi janë rikthyer negativë në testin e Covid) ndërruan jetë në ditën e djeshme.
Ky muaj ku kemi hyrë ka qenë më i dhimbshmi që prej fillimit të pandemisë.
Në 9 ditët e para të shkurtit 2021 kanë rezultuar të infektuar nga COVID-19 mbi 9400 (shifra “zyrtare” me shumë gjasa shumë është më e ulët sesa shifra reale), duke e vendosur Shqipërinë në vendin e parë në Europë përsa i përket infektimeve për frymë.
Kjo shifër që asnjëherë nuk ka rënë në mbi 1000 qytetarë të infektuar në ditë ka çuar edhe në numrin rekord të 108 të vdekurve vetëm në ditët e para të shkurtit.
Kjo rritje po e detyron qeverinë të nisë nga sot masa të forta shtrënguese, të cilat do të duhej të kishin qenë më drastike nëse qeveria Rama nuk do të ishte në prag të fushatës elektorale dhe të mos i trembej ndonjë efekti Boomerang në ekonomi.
©Lapsi.al
