Pasditen e së dielës kreu i PD-së, Lulzim Basha mblodhi si çdo të diel, drejtuesit politikë në qarqe. Në fokus të takimit ishte fushata elektorale. Mësohet se Basha u ka kërkuar që të dëgjojnë shqetësimet që kanë qytetarët për të ndërtuar më pas strategjinë e fushatës.
Krahas drejtimit të qarkut, kryedemokrati u ka lënë detyrë të besuarve të tij që në zonat që menaxhojnë fushatën të “thithin” edhe kapacitete, individë të spikatur me qëllim propozimin për deputetë.
Kandidaturat e konfirmuara nga anëtarësia (komisioni që i përzgjodhi) do të përbëjnë jo më pak se 80% të listës së kandidatëve të Partisë Demokratike në zgjedhje, ndërkohë që jo më shumë se 20% e listës së kandidatëve do të përzgjidhen nga kryesia e PD-së.
