Ministria e Shëndetësisë dhe Mbrojtjes Sociale njoftoi para pak çastesh se 15 210 dozat e vaksinave të kompanisë Pfizer do të mbërrijnë pas pak në vendin tonë.
Kjo ministri thotë se “ka qenë në komunikim të vazhdueshëm për transportin e vaksinave Pfizer, dhe falë përpjekjeve intensive, pritet të mbërrijnë në Shqipëri 15,210 dozat e lajmëruara”.
Por çfarë ka ndodhur?
Në mëngjes ministrja e Shëndetësisë Ogyerta Manastirliu deklaroi në parlament se në mbrëmje do të vinte në vendin tonë një tjetër dërgesë nga Pfizer pjesë e së cilës janë 15 210 doza.
Por në mesditë po kjo ministri njoftoi se dërgesa ishte shtyrë për të martën.
“Sapo kemi marrë njoftim nga kompania dhe autoriteti përgjegjës për transportin e sigurt të vaksinës, se sasia e vaksinave Pfizer, e konfirmuar për të mbërritur mbrëmjen e sotme, shtyhet me 24 orë” – thuhej në njoftimin e Ministrisë së Shëndetësisë.
Nuk dihet se çfarë ndryshoi që dozat mbërritën ashtu siç ishte lajmëruar në fillim. ©LAPSI.al
