Albin Kurti ka zhvilluar pasditen e sotme një takim me kreun e Partisë Demokratike, Lulzim Basha.
Në një reagim pas takimit, Basha deklaroi se i ka garantuar Kurtit “se nesër si kryeministër i Shqipërisë do të bëj gjithçka për të rritur dhe forcuar bashkëpunimin me Kosovën”.
“ E urova për fitoren e zgjedhjeve parlamentare, dhe modelin që Kosova i dha Shqipërisë dhe gjithë rajonit për mënyrën e organizimit të zgjedhjeve edhe pse në kushte pandemie." shprehet Basha për Kurtin.
Takimi i Kurtit me Bashën vjen pas një dreke që kreu i LVV ka konsumuar me kryeministrin Edi Rama.
Gjatë vizitës së tij në Tiranë, Albin Kurti është takuar edhe me Presidentin Ilir Meta, si dhe ka zhvilluar takimet në zyrat e LVV në kryeqytetin shqiptar.
