Policia në Kinë dhe Afrikën e Jugut ka kapur mijëra doza false të vaksinës Covid-19, tha të mërkurën organizata globale e policisë Interpol, duke paralajmëruar se kjo përfaqësonte vetëm “majën e ajsbergut” në krimin e lidhur me vaksinat.
Agjencia me bazë në Lyon, Interpol tha se 400 shishe – ekuivalente me rreth 2,400 doza – që përmbajnë vaksinën e rreme u gjetën në një depo në Germiston jashtë Johanesburgut në Afrikën e Jugut, ku oficerët gjetën gjithashtu maska të rreme dhe arrestuan tre kinezë dhe një shtetas Zambian.
Në Kinë, policia identifikoi me sukses një rrjet që shiste vaksina të falsifikuara Covid-19 në një hetim të mbështetur nga Interpol, i cili ka 194 vende anëtare.
Ata bastisën fabrikat e prodhimit, duke rezultuar në arrestimin e rreth 80 të dyshuarve dhe kapën më shumë se 3,000 vaksina të rreme.
Interpol në fillim të këtij viti lëshoi një njoftim paralajmërues në të gjithë botën për t’u përgatitur për rrjetet e krimit të organizuar që synojnë vaksinat Covid-19, si fizikisht ashtu dhe në internet.
