Drejtori i Urgjencës Kombëtare në Shqipëri, Skënder Brataj, i ftuar në emisionin “Real Story” në “News 24” deklaroi se pandemia tashmë po gjen përhapje edhe jashtë Tiranës. Brataj thekson se modeli i orarit të mbylljes ka funksionuar, duke shtuar se prandaj do të mbetet në fuqi.
“Masat që kanë funksionuar deri tani kanë mbajtur nën kontroll infeksionin. Ka nisur vala e tretë në Europë, duke mos na përjashtuar as neve. Ka frekuencë të lartë të infeksionit anglez. Para dy javësh, kishim 105 qytete dhe fshatra, ku kemi bërë vizita vetëm për Covid.
Tani janë më shumë vendbanime, ku virusi ka prezencë, pra harta është zgjeruar. Pandemia po bën kërdinë jashtë Tirane. Këto janë arsye se pse modeli që ka dhënë rezultat, të vazhdohet”, u shpreh Brataj.
