Kryeministri Edi Rama thotë se reagimi i ambasadores amerikane për Tom Doshin nuk ishte për të.
“Përgjigjen për Twitter-in e ambasadores Yuri Kim e ka dhënë Endri Fuga për Zërin e Amerikës që është këshilltari im për komunikimin. Atë përgjigje kam edhe unë.
Së pari, vetë ambasadorja më parë e ka komunikuar më parë atë që unë iu kam thënë. Së dyti ne nuk kemi asnjë dallim me ambasadoren. Së treti unë dhe ne kemi ndërkohë një target më të gjerë sesa thjesht individi për të cilin flasim. Ne duhet të merremi me Saliun që përpara Tom Doshit është engjëll, me Ilirin dhe Monikën që përpara Tom Doshit janë ëngjëj.
Përsa i përket Tom Doshit unë nuk kam asnjë dallim nga ajo që tha ambasadorja. Nëse Tom Doshi është përcaktuar nga SHBA për korrupsion domethënës unë nuk kam asnjë dyshim në përcaktimin e tyre për këtë arsye nuk jemi aleatë dhe as do jemi aleatë.
Nëse për Tom Doshin korrupsioni ka sjellë përcaktimin e SHBA, por pse nuk ka përcaktim për Saliun dhe Ilirin. Unë vetë, as në këtë botë as në një tjetër nuk kam asnjë lidhje me korrupsionin dhe as korrupsionin domethënës” – tha Rama në Opinion. ©LAPSI.al
