Partia Socialiste do të lërë bosh vendin e Bashkim Finos në listën e Ferit, i cili u nda nga jeta për shkak të Covid. Siç mund ta shikoni dhe në fletën e votimit për këtë qark, fletë kjo që u miratua sot nga KQZ, numri katër ku ai ishte renditur është lënë bosh.
Komisioneri Shtetëror i zgjedhjeve ka miratuar më në fund fletën e votimit për zgjedhjet e 25 prillit.
Një ditë pasi Komisioni Rregullator e cilësoi veten jo kompetent, Ilirjan Celibashi ka miratuar modelin e fletës e cila përmban emrin e partisë, logon dhe numrin, si dhe listën e kandidatëve sipas qarkut. Varianti nuk merr parasysh kërkesat e PS ndërkohë që PD ka paralajmëruar se do ta ankimojë vendimin.
Fleta e votimit do të jetë në përmasat. 29.7. X 60, do të jetë me emra dhe do të jetë fletë votimi horizontale.
Madhësia e fletës do të jetë e njëjtë për çdo qark. Ajo që ndryshon është madhësia e shkrimit. Emrat e kandidatëve në kryeqytet do të jenë me germa më të vogla për shkak se janë 36 kandidatë.
