Kryeministri Edi Rama, i ftuar në “Open”, komentoi afrimet e reja të PS, nga radhët e LSI, më konkretisht, Nasip Naço dhe Lefter Koka. Rama tha se nuk ka asgjë personale me Monika Kryemadhin dhe Ilir Metën, por me sistemin, e shtoi se Naço e Koka janë të mirëpritur sepse kanë vota e komunitete pas tyre.
“S’kam gjë personale me Monikën dhe Ilirin, LSI është trung familjarët e të tjerat janë gjethe, vjeshte, pranvere. Unë kam punuar me ata njerëz, jo vetëm këta, por edhe aty akoma ka njerëz që i respektoj si persona. Çështja është tek sistemet, janë sistemet që i korruptojnë. Këta persona që përmend, janë persona që kam punuar drejtpërdrejt, me Nasip Nacon kam punuar, kam pasur një raport korrekt. Me Lefter Kokën kam punuar, e më përpara, sepse ka qenë i PS, iku tek LSI e u rikthye. Këta janë njerëz që rikthehen sepse kanë vota, kanë komunitete’, tha kryeministri Rama.
