Ministrja e Infrastrukturës ka shpërthyer në akuza kundër kryeministrit Sali Berisha për mbylljen e Rinasit, duke e akuzuar se kënaqej nga mbyllja e Rinasit për shkak të grevës së kontrollorëve që kanë bllokuar fluturimet ajrore deri në një afat të pacaktuar. Balluku e quajti këtë një fushatë brenda fushatës, duke nxjerrë rrogat e kontrollorëve për ta quajtur grevën e tyre të pajustifikuar. Por cila ishte akuza e Berishës që publikoi në FB mesazhin e qytetarit dixhital? Sipas mesazheve që i kanë shkuar ish kryeministrit, rrogat e kontrollorëve janë përgjysmuar, por në Albcontrol vazhdojnë tenderat e çmendur, aq sa një tavolinë shkon deri në 1 milion euro. Statusi i plotë i Berishës më poshtë:
Albkontrolli ne greve, kerkon doreheqjen e ndrikull Gryksi Ballukut!
Vjedhjet e saj me tendera kane shkaterruar ndermarrjen. Eshte blere tavoline 1 milion euro! Denoj me ashpersine me te madhe vjedhjet dhe korrupsionin e papermbajtur te ndrikull Gryksi Ballukut dhe klanit te saj dhe kerkoj urgjent plotesimin e kerkesave te drejta te grevisteve!
Lexoni denoncimin e kontrollorit dixhital! sb
Pershendetje Doktor! Kontrolloret e trafikut ajror jane shume te revoltuar me situaten 8 vjecare qe eshte krijuar ne Albcontrol. Ky ishte momenti qe u mbush kupa. Mosperfillja dhe tallja nga Balluku per te gjithe ne na ka cuar ne kete pike. Na thone qe kompania nuk ka financa, por ne agjensine e prokurimit publik shpallin cdo dite nga nje tender me vlere marramendese. Ne Albcontrol ka 8 vite qe nuk perfill njeri ligjet dhe rregullat e ketij vendi. Tendera nga me te cuditshmet te cilat nuk i permend njeri. Eshte prokuruar nje tavoline pune per vlera marramendese mbi 1 milion Euro. Me keto tendera zonja u promovua dhe u be ministre. Prandaj kerkesa kryesore e jona eshte dorheqja e Belinda Ballukut dhe e gjithe vartesve te saj ne Albcontrol dhe rikthimi ne fuqi i kontrates tone te punes. Vetem atehere mund te stabilizohet situata.
