“Është bisedë e nxjerrë nga konteksti”. Ky ishte justifikimi që Kryeministri Edi Rama dha për bisedën e Sekretarit të Përgjithshëm të Kryeministrisë Ëngjëll Agaçi dhe biznesmenit italian Francesco Becchetti e cila u përmend në vendimin e Gjykatës së Arbitrazhit si një një nga arsyet e humbjes së çështjes nga qeveria shqiptare. Në atë bisedë Becchetti kërkonte llogari se pse sulmohet ndërsa Agaçi i thotë se nuk duhet të sulmojë qeverinë.
“Bëhet fjalë për një televizion që nuk kishte ndonjë fushatë të madhe ndaj qeverisë. Një bisedë e nxjerrë jashtë kontekstit. Po të na nxirrnin ne pjesë nga biseda këtu kushedi çfarë do të bëhej.
Ai vendim është marrë, por ai ato para nuk ka për t’i marrë kurrë. Ai do të paguajë një për një dëmet që u ka sjellë shqiptarëve. Dhe nuk do t’i paguajë një për një nga ana mediatike, por gjyqësore. Unë jam nga ata që nuk kur them çfarë nuk do të lejoj të ndodhë, këtë nuk e luan topi.
Se si do ta bëj këtë nuk e them sepse kjo është pjesë e strategjisë. 110 milionë eurot ai marifetçiu i paskrupullt t’i harrojë. Ai ka arritur t’i marrë para edhe Deutche Bank dhe EMI, por ajo ishte një ndërmarrje ku u rekrutuar gazetarë dhe moderatorë me rroga marramendëse. Ça opozitë i bënin atij shtetit...
Është një bisedë e nxjerrë komplet jashtë kontekstit. Gjykata kundër nesh? Absolutisht. Kjo nuk ka mbaruar. Edhe pse Saliu dhe Iliri kanë varur shpresat te një person që është në kërkim nga shteti shqiptar. do marrë ai lekë? Zero. Mbajeni mend” – tha Rama në emisionin “Të paekspozuarit”. ©LAPSI.al
