Kreu i Partisë Demokratike, Lulzim Basha ka zhvilluar paraditen e sotme një takim me banorët në Tropojë në kuadër të fushatës elektorale. Kryedemokrati Basha është pritur me brohoritje nga mbështetësit e tij të cilët e kanë shoqëruar me daulle dhe kërcim popullor të zonës teksa kanë thirrur “Rama ik”.
Gjithashtu ai i bëri thirrje qytetarëve që të votojnë nr.9, për anëtarësimin në BE, rritjen e punësimit, rikthimin e të rinjve dhe rivendosjen nënprefekturë të Tropojës.
“Deklarimi nënprefekturë i Tropojës dhe zhvendosja e shërbimeve në Bajram Curr, nuk do të udhëtojnë më me kilometra për një dokument. Shërbime për njerëzit afër njerëzve. Në 25 prill votimet do të jenë më të rëndësishme të këtij vendi. Shpresën, besimin e ndjej kudo. Nëse doni që ky vend të ecë përpara, të marrin vëmendjen investimet që meritojnë të gjithë bashkë të votojmë nr.9,” tha Basha.
