Biznesmeni Gjergj Luca ishte në një takim me punonjës të njërës prej reparteve të ish-Metalurgjisë në Elbasan. Në takimin e mbajtur të premten, Luca i kërkoi punonjësve që të votojnë për biznesmenët, të cilët sipas tij e bëjnë Shqipërinë. Biznesmeni tha se të dielën duhet votuar për të, për Zamir Manen apo Shefqet Kastratin.
“Nesër, shkoni votoni për Gjergj Lucën, shkoni votoni për Çet Kastratin, shkoni votoni për Zamir Manen. Shkoni votoni për ne, se ne e bëjmë Shqipërinë”, tha Luca.
Po ashtu, Luca lëshoi edhe një mori fyerjesh për përfaqësuesit e PD-së së Elbasanit. Pak javë më parë ai u përlesh fizikisht me kandidatin për deputet të demokratëve Luçiano Boçi.
