Ka përfunduar zyrtarisht procesi i numërimit të votave në qarkun e Durrësit, ku 14 mandatet janë ndarë mes dy forcave të mëdha, ku PS merr 8 mandate dhe PD 6 deputetë.
LSI ishte fare pranë sigurimit të një mandati në qarkun e Durrësit, por e ka humbur mundësinë vetëm për 136 vota.
Në total PS ka siguruar 76924 vota, e pasuar nga PD me 63431 vota dhe LSI me 9480 vota. Gjatë orëve të fundit një mandat ka lëvizur sa te PS te LSI, por duket se në fund fati i ka buzëqeshur partisë kryesuese.
Surprizën e këtyre zgjedhjeve në Durrës ishte Sukthi. I njohur si “hambar” votash për Partinë Socialiste, më 25 prill qytetarët e Sukthit kanë zgjedhur PD-në.
Gjithashtu, PD nuk është tradhtuar as këtë radhë nga bastioni që ka votuar këtë forcë politike, që nga zgjedhjet e para pluraliste në vend, Katundi i Ri. ©LAPSI.al
