Është vetëdorëzuar në polici autori i vrasjes së 27 vjeçarit, Mehmet Qema mbrëmjen e djeshme në Tiranë. Pas kontrolleve të shumta e pamundësisë për të qëndruar të fshehur dhe pas negociatave të policisë me avokatë dhe familjaret në Policinë e Tiranës është vetëdorëzuar autori dhe një nga personat prezent në ngjarje, Frenkli Myftari.
Viktima ishte ulur mbrëmë në një lokal, së bashku me 5 djemë të tjerë. Teksa autori bënte prova duke mbushuar armën, ka qëlluar pa dashje në drejtim të shokut të tij, i cili ndërroi jetë në spitalin e Traumës. Pas dorëzimit të autorit dhe Frenkli Myftarit, policia është ende në kërkim të Erlind Peka, Bralid Aga, Blerim Hoti dhe Xhuljano Koçi.
