Zakonisht një gjest i tillë i bëhet për ti treguar respektin fituesve, por ka raste kur fituesit mund të jenë edhe ata që e kanë humbur ndeshjen. Sepse janë fituesit moral, të një sezoni të vështirë, në të cilën ditën të tregojnë personalitet duke siguruar mbijetesën e duke i shkuar një hap larg Europës përmes Kupës së Shqipërisë. E një arritje të tillë Vllaznia që fitoi Kupën ka dashur tia njohë rivalëve që sapo i mundi në fushë, duke u reshtuar në dy anët e hyrjes në fushë për të duartrokitur futbollistët e Skënderbeut kur po shkonin të tërhiqnin medaljen.
