Një e moshuar e cila pretendon të jetë njeriu më i vjetër në botë ka marrë dozën e parë të vaksinës për koronavirusin. 124-vjeçarja Rehtee Begum nga distrikti i Baramulla-s në Indi ishte mes 9,000 personave në distrikt që u vaksinuan të mërkurën.
Të moshuarës i erdhi radha ndërsa vaksinat ndaheshin derë më derë. Ajo u tregoi vaksinatorëve kartën e racioneve në të cilën mosha ishte 124. Në një video të regjistruar pasi e moshuara mori dozën anti-covid, gruaja tha se po ndihej mirë pasi i ishte injektuar vaksina.
