Vrasje me armë zjarri në Ksamil të Sarandës. Policia njofton se mbrëmjen e të dielës një person është qëlluar me armë zjarri pranë banesës së tij, ku si pasojë ka ndërruar jetë rrugës për në spital.
Ngjarja ka ndodhur në rrethana ende të paqarta, ndërsa viktima është identifikuar si Gramoz Mema, 48 vjeç i njohur si biznesmen.
"Rreth orës 21:45, në Ksamil, pranë banesës, në rrethana ende të pa qarta është qëlluar me armë zjarri shtetasi G. M., i cili ka humbur jetën rrugës për në spital.
Grupi hetimor ndodhet në vendin e ngjarjes ku vijon puna për zbardhjen dhe dokumentin e plotë të rrethanave të ngjarjes.
Shërbimet e policisë kanë ngritur pika kontrolli dhe vijon krehja e zonēs për të bërë të mundur kapjen e autorit/ve" - thuhet në njoftimin e policisë.
