Policia e Shkodrës ka dhënë detaje për vrasjen që ndodhi mbrëmjen e së dielës në Shkodër.
Rreth orës 22:30, në lagjen "Ndoc Mazi" të qytetit është gjetur nga policia pa shenja jete në banesën e saj Diana Vuka 58 vjeçe.
Policia shkoi në banesën e saj pasi familjarë të saj jashtë vendit kishin deklaruar se kishin humbur kontaktet.
Me të mbërritur në banesë uniformat blu e kanë gjetur atë të vrarë me armë zjarri në dhomën e gjumit.
Policia tha se dyshon se krimi është kryer nga vëllai i saj Fabian Vuka, 55 vjeç, i cili është shoqëruar në ambientet e Komisariatit të Policisë së Shkodrës.
Mësohet se viktima jetonte në Gjermani dhe ishte kthyer në Shkodër për pushime. Janë ende të paqarta motivet e krimit.
Shefi i komisariatit të policisë së Shkodrës Paulin Çupi u tha gazetarëve se autori është aktualisht në gjendje të rëndë emocionale dhe nën efektet e alkoolit. ©LAPSI.al
