Kanë dalë të tjera detaje nga krimi i rëndë në një familje në Librazhd. 56-vjeçari Qemal Bici ka vrarë me sëpatë gruan e tij 53-vjecaren Minevere Bici dhe më pas i ka dhënë fund jetës duke u vetëvarur.
Ngjarja ndodhi pasditen e së hënës në në fshatin Dragostunjë. Ka qenë djali i tyre që kur u kthye në shtëpi gjeti prindërit e pajetë.
Në kushte të rënda emocionale ai kërkoi ndihmën e banorëve të fshatit. Ende mbeten mister shkaqet e këtij krimi të dyfishtë. Çifti kishte 4 fëmijë. Qemal Bici njihej si njeri i qetë dhe jo problematik në fshat.
