"Ne kurrë nuk do të kishim pranuar të bënim asgjë nëse nuk do ta kishim ditur që Christian ishte mirë. UEFA na dha dy mundësi: ta përfundonim ndeshjen dje, ose ta luanim atë të sot në orën 12, në këtë pikë vendosëm të ktheheshim në fushë menjëherë". Trajneri i Danimarkës Kasper Hjulmand shpjegoi vendimin për t'u kthyer në fushë për të përfunduar ndeshjen kundër Finlandës, me vështirësitë logjistike për të rikuperuar ndeshjen në dritaren tjetër të propozuar nga UEFA: "Nuk kishte asnjë presion nga UEFA, por ishte e pamundur për lojtarët që, duke e patur të qartë se nuk do arrinin të flinin, të ktheheshin në mëngjes për të luajtur ndeshjen. Ishte më pak e menaxhueshme sesa ta përfundonim menjëherë".
Arsyetimi është i pranueshëm, por në anën tjetër Hjulmand duhet të kishte parashikuar tronditjen psikologjike të lojtarëve pas asaj që i ndodhi Eriksen në fushë. E gjithë llogaria duhej të bëhej mbi lodhjen mendore apo atë fizike: Danimarka zgjodhi të përballonte të parën, duke dalë e mundur përballë debutuesve të Finlandës të ndëshkuar nga një gol në minutën e 60 dhe duke humbur me Hojberg edhe penalltinë e barazimit të mundshëm.
