Që këtu e një vit më parë, pikërisht në gushtin e shkuar, atëhere kur zgjedhjet ishin ende larg, Lapsi.al e pati njoftuar se Edi Rama nuk do të jetë më deputet i Vlorës, por se këtë herë do të zgjedhë Durrësin (shiko lajmin poshtë). Tani është vetë kryeministri që e ka bërë realitet këtë.
Lexo me tej:
Rama do braktisë Vlorën, zgjedhjet e ardhshme kandidon në Durrës
Ai ka dërguar një shkresë në KQZ, ku kërkon që të mbajë mandatin e fituar në qytetin e Durrësit.
Por përpos shkresës zyrtare ai ka bërë edhe një mesazh në Tëitter ku shpjegon se ai ka Vlora nuk do të ndahet kurrë po edhe qytetin e Durrësit do ta bëjë epiqendër të ndryshimeve të mandatit të tretë.
Këtë shpjegim shefi i qeverisë e bëri njëkohësish me botimin e pamjeve të një maketi ku tregohej se si do të transformohej Durrësi pas investimeve që përflitet se mund të bëjë Emaar Group për portin turistik dhe gradaçielat përreth tij. Kryeministri shpreson që të shfrytëzojë premtimet e multimiliarderit Muhammed El Alabbar, mikut që e ka njohur nga presidenti serb Vuçiç, për të bërë edhe me Durrësin atë që Vuçiç po bën ndanë lumit Sava ku kompania nga Emiratet e Bashkuara Arabe pretendon të ngrejë Dubain e Ballkanit.
Foto e publikuar sot
Në mungesë investimesh të rëndësishme dhe në pamundësi për të lënë pas vepra të mëdha pas tetë vitesh qeverisjeje kryeministri po kërkon të lërë përshtypjen se në projektin e tij për të nëdërtuar Shqipërinë e vitit 2030 ai do bëjë me Durrësin në një përmasë më të madhe atë që bëri me lungomaren në Vlorë.
