Piratimi i të dhënave personale të 910 mijë qytetarëve të Tiranës nga kompjuterat e Partisë Socialiste drejt Lapsi.al u krye, sepse shpeshherë numrat e telefonit të qytetarëve të ndryshëm po keqpërdoreshin nga patronazhistë të papërgjegjshëm. Personi që vendosi ta dorëzojë një ekstrakt të Database me të dhënat e 910 mijë qytetarëve të Tiranës, ishte një prej anëtarëve të PS, që kishte qenë dëshmitar i dorëzimit të këtyre informacioneve në duart e personave të papërshtatshëm.
Lexo edhe: Të gjithë fajin patronazhistëve
Rasti i Ndriçim Harkës një patronazhisti të Partisë Socialiste, që drejtonte një grup të trafikut të kokainës në Gjermani është shembulli më i keq i asaj që ka ndodhur me të dhënat tona personale. Nga një vëzhgim i shpejtë në Database, rezulton se Partia Socialiste i kishte besuar Ndriçim Harkës vëzhgimin, monitorimin dhe përgjimin e 67 banorëve të Tiranës.
Në dispozicion të tij, u vunë numrat e kartave të identitetit, numrat e telefonit, vendet e punës, etj për secilin prej këtyre votuesve. Ka ndër këto qytetarë, vajza të moshës 20 vjeçare, djem të rinj apo burra dhe gra të moshave të ndryshme, që ai kishte për detyrë t’i monitoronte bindjet politike, paralelisht me koordinimin e trafkut të drogës në Gjermani dhe Zvicër.
Lexo edhe: Zbulimi i patronazhistëve të PS/ Veliaj dhe Sokol Balla i vërsulen Lapsit (VIDEO)
Të dhënat në Database tregojnë se patronazhistit që trafikonte kokainë në Gjermani, Partia Socialiste i kishte ngarkuar të monitoronte edhe një punonjëse të Drejtorisë së Policisë së Tiranës, një 36 vjeçare me emrin Esmeralda, apo një 39 vjeçar me emrin Klodian që ishte pjesë e Reparti të Ndërhyrjes së Shpejtë.
Në listën e qytetarëve që duhej të vëzhgonte Harka, mes të tjerëve janë edhe punonjës të Qendrës Spitalore Nënë Tereza, punonjës të Kolegjit Turgut Ozal, kuzhinierë apo punëtorë të ndryshëm, drejtues të kompanive private etj.
Shitja e kokainës në Gjermani dhe në Zvicër duhet t’i ketë marrë një pjesë të mirë të kohës Ndriçim Harkës, pasi në pjesën e komenteve ai nuk ka regjistruar asgjë të pazakontë.
https://lapsi.al/2021/06/20/rama-konfirmon-raportimin-e-lapsi-al-te-dhenat-personale-dolen-nga-partia-socialiste/
Sipas Prokurorisë së Tiranës, grupi i tij trafikonte kokainë nga Gjermania në Zvicër prej vitit 2015. Dy nga drejtuesit e organizatës janë punonjësi i zjarrfikëses së Tiranës, patronazhisti Ndriçim Harka dhe i afërmi i tij Edmond Merja. Grupi kriminal paguante deri në 3500 euro për kalimin e lëndës narkotike në kufirin e BE.
Sipas të dhënave, Harka ka udhëtuar disa herë në drejtim të Zvicrës dhe Gjermanisë. Deri tani, në Zvicër janë arrestuar 8 persona ku 3 prej tyre janë shqiptarë. Drejtuesit e PS e konsiderojnë një vendim tërësisht normal dorëzimin e të dhënave personale tek patronazhistët. Madje pas zbulimit të skandalit në Lapsi.al, Rama i nxiste akoma ata akoma më shumë të monitoronin qytetarët.
[video width="848" height="384" mp4="https://cdnimpuls.com/lapsi.al/wp-content/uploads/2021/06/WhatsApp-Video-2021-06-22-at-14.03.58.mp4"][/video]
“Patronazhistëve, t’iu merrni të keqen. Edhe mos harroni, mos e harroni asnjëherë, patronazhistët ju njohin kush jeni. As mos ta çoni nëpër mend se patronazhistëve tanë ja u fshihni mendimet tuaja. Ne ju njohim kush jeni dhe po vijmë pas jush. Në 25 prill do ta shikoni sa mirë ju njohim” – ishin thirrjet e kryeministrit Rama në fushatë./ Dorian Kodra për Lapsi.al
