Për dy ditë me radhë, e gjithë Italia duhet të jetë bërë kurioze përse Donnarumma u duk aq i qetë pasi kishte grushtuar penalltinë e Saka. A e kishte kuptuar Gigio që kjo ishte pritja vendimtare? Apo po priste kontrollin e VAR? Dilemave e hipotezave ka menduar ti përgjigjet vetë, lojtari më i mirë i Euro 2020, i cili pas ditës së celebrimit të triumbit nëpër rrugët e Romës ka rrëfyer për mikrofonët e Sky: "Nuk festova menjëherë sepse nuk mendoja se kishim fituar. Unë e kuptova më vonë ". E kuptoi në fakt kur shokët e tij të skuadrës e morën përpara e iu hodhën përsipër për të festuar së bashku titullin e kampionit të Europës, që erdhi edhe falë pritjeve të numrit 1 të tyre. “Betohem që nuk e kasha kuptuar, pashë arbitrin për të kuptuar se gjithcka ishte ok, pastaj pashë shokët e mi të skuadrës e nuk kuptova më asgjë. Nga aty nisi gjithcka”.
Në anën tjetër, Manuel Locatelli, që gaboi në penalltinë kundër Spanjës dhe nuk u paraqit nga pika e bardhë në finale, kthehet të komentojë goditjet e penalltive që i kthyen të kaltrit në majën e Evropës: "Kur humba penalltinë u shkatërrova, bota u shemb mbi mua - pranoi ai - por Chiellini më përqafoi dhe vazhdonte të thoshte 'Do të fitojmë. Ishte e pabesueshme. Edhe në finale para penalltive ai ma përsëriti, krijuam një lidhje shumë të fortë. Unë duhet të kisha goditur edhe në finale, por më mirë që goditën të tjerët… ".
