Humbje dhe jashtë tapetit me barrel: ka shkuar në mënyrën më të keqe të mundshme përfaqësimi i Indrit Çullhajt në Tokyo 2020. Xhudisti kuqezi që garonte në kategorinë deri në 66 kg është dorëzuar pas 11 minutash në përballjen me kostarikanin Sancho.
Çullhaj e nisi me besim ndeshjen e tij, duke bërë kapje të sigurta dhe duke mos i dhënë për asnjë moment shansin kundërshtarit që të pretendonte. Por edhe pse kishte një epërsi të dukshme ndaj kundërshtarit në çdo kapje, Çullhaj nuk ia ka dalë, duke e humbur takimin.
21 sekonda nga përfundimi i kohës Çullhaj gaboi, duke i dhënë mundësinë kundërshtarit që përmbysi ndeshjen më favor të tij. Në kapjen e fundit sportisti olimpik pësoi edhe një dëmtim, ndërsa është dashur që të shoqërohet me barelë jashtë tapetit. Çullhaj ka marrë një goditje në brinjë, por jo serioze.
