Ka kohë që është e qartë se Real Madrid e ka seriozisht në lidhje me Kylian Mbapé dhe lajmet që vijnë nga Spanja vetëm e konfirmojnë këtë. Sipas Marcas, klubi i Florentino Perez është në fakt gati për të mbuluar sulmuesin francez me ar, nëse ai arrin me transferim falas në 2022: 40 milionë euro bonuse në kohën e nënshkrimit të kontratës me Blancos dhe 25 milionë neto në sezon. Shifra astronomike, të cilat tregojnë se madrilenët janë vërtet të gatshëm të bëjnë gjithçka për të.
Kontrata e Mbappe me Paris Saint Germain skadon në më pak se një vit dhe tani duket e sigurt se rinovimi nuk do të vijë. Futbollisti tashmë i ka komunikuar synimin e tij për të lënë Parisin trajnerit, Mauricio Pochettino dhe shokëve të tij të skuadrës dhe për momentin nuk ka hapa prapa në horizont, pavarësisht ekipit yjor që Leonardo dhe Al-Khelaifi po ndërtojnë në këtë dritare të merkatos.
Në një intervistë të fundit me revistën zyrtare të klubit, Mbappé deklaroi se ëndrra e tij është të fitojë Ligën e Kampionëve me PSG-në, kështu që ka të ngjarë që ai të zgjedhë të respektojë kontratën e tij dhe të tentojë një sulm përfundimtar ndaj Kupës me Veshë të mëdhenj sezonin e ardhshëm, para se të transferohet te Blancos. Marrëveshja po futet në pjesën e nxehtë dhe shifrat në tavolinë janë të frikshme. Pavarësisht nga një Europian për tu harruar, Reali dëshiron të ketë Mbappé dhe kërkon ta ketë me çdo kusht.
