Ndeshja e kombëtares kuqezi me Hungarinë në “Air Albania” do të jetë e para që do të luhet nën monitorimin e VAR.
UEFA bëri të ditur se si rjedhoje e një vendimi të marrë nga Komiteti Ekzekutiv i UEFA-s në korrik, sistemi i Video Asistan Referee, VAR, do të përdoret në të gjitha ndeshjet e mbetura, të kualifikueseve europiane për Kupën e Botës “Katar 2022” duke nisur nga shtatori.
Kjo do të thotë se Shqipëria do të luajë ndeshjet e saj të radhës, atë me Poloninë në Varshavë në 2 shtator dhe përballë Hungarisë në “Air Albania” 3 ditë më pas me sistemin e moviolës në fushë.
