Italia është një ndër shtetet në Europë që po lufton me shumë vatra zjarri. Sipas mediave italiane, më kritike paraqitet situata në Sicili, ku autoritetet kanë shpallur gjendjen e emergjencës. Kryetari i rajonit Nello Musumeci bëri me dije se situata është e vështirë. “Ne kemi shpallur një gjendje krize dhe emergjence për gjashtë muaj për shkak të zjarreve serioze që kanë ndodhur tashmë që nga fundi i korrikut dhe rrezikut të përhershëm për javët e ardhshme, për shkak të situatës klimatike”, pohoi ai për mediat.
