E mbushur me polemika ndeshja surreale e mbrëmjes së djeshme, Brazil-Argjentinë në mënyrë të pashmangshme do të ketë pasoja në nivel sportiv: FIFA është thirrur të menaxhojë cështjen e nxehtë dhe të vendosë nëse do ta përsërisë ndeshjen, nëse do të vazhdojë me një humbje në tavolinë dhe të nisë me dënimet. Conmebol e ka nxjerrë veten jashtë, duke lënë gjithçka në duart e organit më të lartë të futbollit në botë, i cili, megjithatë, i ka duart të lidhura në nivelin kalendarik.
Policia sulmoi fushën pas 5’ e Brazil-Argjentinë u pezullua. Siç kujton O Globo, "me të gjitha shtyrjet e pandemisë, thjesht nuk ka një datë të qartë për të përshtatur një përsëritje të Brazilit-Argjentinë". Është gjithashtu e pamundur të luhet përsëri në orët e ardhshme: argjentinasit tashmë janë larguar nga Brazili dhe të enjten në mbrëmje të dy ekipet kombëtare do të luajnë kundër Bolivisë dhe Perusë. Do të ishte gjithashtu e rrezikshme në nivel nervash e kjo kuptohet nga fjalët e Messit, të kapura nga kamerat mbrëmë: "Më dëgjoni, ne kemi qenë këtu prej 3 ditësh dhe ata pritën që loja të fillonte për të na thënë që ne nuk mund të luanim?".
Kjo është arsyeja pse hipoteza e parë, ajo e shtyrjes së ndeshjes të pezulluar dje, është më pak e mundshme. Kështu, po shkohet drejt një disfate të paracaktuar për Brazilin, që gjithashtu rrezikon sanksione të mëtejshme, nga skualifikimi i fushës deri në ndalimin e ndeshjeve në shtëpi për sfidat e mbetura kualifikuese për botërorin. Kjo, pa marrë parasysh betejën e parashikueshme në nivelin e gjykatave që do të shpërthejë: është e vështirë për Brazilin të pranojë një humbje në tavolinë, po aq e vështirë për Argjentinën të pranojë zgjidhje të tjera që nuk përfshijnë tre pikët automatike.
Ndërkohë, në të dy vendet tashmë ka një luftë në gazeta: nëse Olè titullon "Brazili kampion bote për budallallëqe", në vendin e verdhejeshilëve fokusi është në faktin se "argjentinasit nuk respektojnë rregullat".
